Viloyat Yoshlar ishlari agentligi boshqarmasi boshlig‘i Asliddin Xurramov tomonidan Sherobod tumanidagi 41-sonli manzil koloniyasida yoshlar bilan ochiq muloqot o‘tkazildi.
Uchrashuv davomida yoshlar tomonidan ilgari surilgan taklif va murojaatlar tinglanib, ularni hal etish bo‘yicha tegishli choralar belgilandi hamda ijroga qaratildi.
Shuningdek, yoshlarning bo‘sh vaqtlarini mazmunli tashkil etish, ularning kitobxonlikka bo‘lgan qiziqishini oshirish maqsadida boshqarma boshlig‘i tomonidan stol tennisi anjomlari hamda 200 nomdagi badiiy kitoblar jamlanmasi sovg‘a tariqasida topshirildi.
