Barcha maktabgacha ta’lim tashkilotlarida tarbiyalanuvchilar uchun hayajonli va esda qolarli lahzalarga boy bo‘lgan “Xayr, bog‘cha – salom, maktab!” nomli tadbirlar o‘tkazilmoqda. Tadbirlar davomida bolajonlar o‘zlarining ijodiy chiqishlari, she’r va qo‘shiqlari, sahna ko‘rinishlari orqali bog‘chadagi so‘nggi kunlarini katta hayajon bilan nishonlashmoqda.
Tarbiyachilar esa ularni maktabga tayyorlashda ko‘rsatgan sabr-toqat va mehrlarini faxr bilan namoyon etishmoqda. Mazkur tadbirlar farzandlarimizda yangi bosqichga qadam qo‘yish ishtiyoqi, bilim olishga bo‘lgan rag‘bat va maktab hayotiga ijobiy ruhda tayyorgarlikni mustahkamlashga xizmat qilmoqda.
