Angor tumanida “Sog‘lom oila uchun birlashaylik” shiori ostida erta tongdan tadbir tashkil etildi. Dastlab, xotin-qizlar “Sog‘lom hayot uchun 5000 qadam” aksiyasida ishtirok etishdi.
Shundan soʻng ishtirokchilar tuman markaziy o‘yingohida badantarbiya mashg‘ulotlari olib borishdi. Shuningdek, sportning turli yo‘nalishlari — shaxmat va shashka bo‘yicha sport bellashuvlari o‘tkazildi.
Tadbirning asosiy maqsadi – xotin-qizlar o‘rtasida sog‘lom turmush tarzini targ‘ib qilish, ularni sportga jalb etishdan iborat. Bunday tadbirlar xotin-qizlarning nafaqat jismoniy, balki ruhiy salomatligini mustahkamlash, o‘zaro do‘stona muhit yaratishda muhim ahamiyat kasb etdi. Bu kabi tashabbuslar kelgusida ham davom ettiriladi.
