Vatanga qasamyod qilishdi

Egniga harbiylik libosini kiygan o‘g‘lonlarni ko‘rganimizda ular bilan qanchalar faxrlansak, ularning Vatan oldidagi burchlarini ado etish uchun beradigan va’dalari shundan kam ta’sirlantirmaydi.
Ha, Vatanga qasamyod qilish, yigitlik burchni ado etish sharafdir. Janubi-g‘arbiy maxsus harbiy okrug tasarrufidagi Termiz va Xayrobod garnizonlarida joylashgan harbiy qismlarda muddatli harbiy xizmatga chaqirilgan harbiy xizmatchilarning Vatanga qasamyod qabul qilish marosimlari ham ota-onalar qatori barchaning qalbini faxr-u iftixorga to‘ldirdi.
Marosimlarda harbiy xizmatchilar Vatanga sadoqat bilan xizmat qilish, Konstitutsiya va qonunlarga rioya etish, harbiy burchni vijdonan bajarishga qasamyod qildilar. Tadbirda harbiy qismlar qo‘mondonlari, faxriylar, chaqirilgan harbiy xizmatchilarning ota-onalari hamda jamoatchilik vakillari ishtirok etdi.