Termiz iqtisodiyot va servis universitetining maktabgacha va boshlang‘ich ta’lim kafedrasi o‘qituvchisi Rohila Ma’rufjonova maktabgacha ta’lim yo‘nalishi talabalariga tarbiyachining ish hujjatlari fanidan ochiq dars tashkil qildi. Dars davomida “Tarbiyachining shaxsiy ish rejasi” mavzusi keng qamrovda tahlil qilindi. Talabalarga shaxsiy ish rejasining mazmuni, uni tuzish prinsiplari, tarkibiy qismlari hamda reja asosida olib boriladigan faoliyatlar haqida batafsil ma’lumotlar berildi.
Qiziqarli mashg‘ulotlarga boy o‘tgan ochiq darsda talabalarga mavzuga doir videorolik taqdim etildi. Shu bilan birga, aqliy hujum hamda muammoli o‘qitish texnologiyasi kabi zamonaviy ta’lim metodlarini qo‘llash dars samaradorligini oshirishga xizmat qildi.
