Yoshlarda immunitet kuchli

Har qanday kasallikni yenguvchi, unga qarshi organizmda immunitet hosil qilishga yordam beruvchi dori bor. Uni qabul qilish esa eng yaxshi davo chorasidir. Jamiyat hayotimizdagi illatlar ham kasallikka o‘xshaydi. Ong-u shuurimizni zaharlab, hayotimizni izdan chiqarishi ham hech gap emas. Eng yaxshi chora esa har qanday illat va salbiy holatga qarchi immunitetimiz bo‘lishidir.
Viloyat Maktabgacha va maktab ta’limi boshqarmasi tomonidan umumta’lim maktablari o‘quvchilari o‘rtasida tasviriy san’at yo‘nalishida o‘tkazilgan “Men giyohvandlikka qarshiman” ko‘rik-tanlovining viloyat bosqichi yoshlarda ana shunday immunitetni uyg‘otishga xizmat qildi.
Tanlov qiziqarli kechdi. Yosh musavvirlar chizgan suratlarida o‘zlarini illatlarga, giyohvandlikka naqadar qarshi ekanliklarini tasvirladilar. Suratlar chuqur ma’no kasb etib, barchani e’tiborini torta oldi. Bandixon tumanidagi 29-maktab oʻquvchisi Maftuna Xatamova faxrli 1-oʻrinni egalladi va respublika bosqichiga yoʻllanmani qoʻlga kiritdi.