Termiz tumanida ayollar va oilalarni qo‘llab-quvvatlashga qaratilgan Oila va xotin-qizlar maskani o‘z ishini boshladi. Maskanning tantanali ochilish marosimida deputatlar, Oqila ayollar harakati a’zolari, xotin-qizlar faollari hamda mahalla “yettiligi” vakillari ishtirok etdi.
Mazkur maskan xotin-qizlarning ijtimoiy-iqtisodiy faolligini oshirish, ularga huquqiy, psixologik va metodik yordam ko‘rsatish, ta’lim va kasb-hunarga yo‘naltirish kabi vazifalarni bajarishga qaratilgan. Shuningdek, xotin-qizlarning tadbirkorlik faoliyatini rivojlantirishga ko‘maklashish va ular uchun zarur shart-sharoitlarni yaratish maskanning asosiy maqsadlaridan biri hisoblanadi.
Mahalliy hokimiyat, jamoat tashkilotlari va faol ayollar tomonidan qo‘llab-quvvatlanayotgan mazkur tashabbus ayollar va oilalarning farovonligini ta’minlash, ularning jamiyatdagi o‘rni va nufuzini oshirishga xizmat qiladi.
