Yurtimiz bo‘ylab Navro‘z shodiyonalari qizg‘in tus olgan ayni kunlarda Termiz davlat universitetida ham bayram keng nishonlanayotir. Tantanali tadbir doirasida ayyomning ajralmas ramzi bo‘lgan sumalak pishirildi.
Talaba-qizlar milliy liboslar ko‘rgazmasini ham tashkil etib, bir-biridan ajoyib liboslarda ko‘rgan ko‘zlarni quvnatishgan bo‘lishsa, bayram dasturlari — sahna ko‘rinishlari, milliy qo‘shiq va raqslari bayramga alohida shukuh bag‘ishladi.
Ayniqsa, universitet qoshidagi akademik litsey o‘quvchilari tomonidan tayyorlangan sahna chiqishlari, milliy urf-odatlarimizni yorituvchi sahna ko‘rinishlari barcha tomoshabinlarni o‘ziga jalb etdi. Navro‘z shodiyonalari milliy an’analarimizning betakror qirralarini yana bir bor namoyon qildi.
