Toʻyga toʻyona boʻldi

Viloyatimiz boʻylab Navroʻz umumxalq bayrami shukuhi kezib yuribdi. Sariosiyoliklar ham sayilga oshiqib, erta tongdan xursandchilikni boshlab yuborishgan. Milliylik, milliy qadriyatlarimiz bilan yuzlashib, milliy taomlarimizdan bahramand boʻlishmoqda. Xalq oʻyinlarini tomosha qilish bilan birga arqon tortishayotgan, kurash tushib, dorbozlikda oʻzlarini sinayotganlar qancha.
“Navro‘z” umumxalq bayrami arafasida tumanning “Diydor” mahallasida 73-sonli umumta’lim maktabining yangi o‘quv binosi foydalanishga topshirilgani esa intiqlik bilan kutilgan, munosib sovgʻa boʻldi.
Ochilish marosimida Sariosiyo tuman hokimi Abduqodir Donayev, tuman Maktabgacha va maktab ta’limi bo‘limi mas’ullari, ona-onalar, nuroniylar hamda keng jamoatchilik vakillari ishtirok etib, yangitdan qurilgan umumta’lim maktabida yaratilgan sharoitlar bilan yaqindan tanishishdi.
“Maxsus qurilish va ta’min butlash” mas’uliyati cherklangan jamiyati tomonidan 2 milliard 245 million so‘m mablag‘ evaziga 180 o‘ringa mo‘ljallab bunyod etilgan yangi o‘quv binosida o‘quvchi-yoshlarning ta’lim-tarbiya olishlari uchun barcha shart-sharoitlar yaratilgan. Muhimi, zamonaviy jihozlangan sinf xonalarda ta’lim-tarbiya sifati va samaradorligini oshirish uchun barcha qulaylik mavjud.