Nazariya ham muhim

Sportda mashg‘ulotlar muhim. Ayniqsa, trenerlarning xizmati katta. Aks holda sportchi oddiy havaskorligicha qolib ketaveradi. Ammo shuni ham unutmaylikki, qay sport turi bo‘lmasin, unda amaliy mashg‘ulotlar bilan birga nazariy bilimlarni egallash ham muvaffaqiyat kalitidir. Ayni shu maqsadni ko‘zlagan holda Jarqo‘rg‘on tuman sport maktabi trenerlari uchun yangi o‘quv qo‘llanmalar yetkazib berildi.
Ushbu qo‘llanmalar trenerlarga mashg‘ulot jarayonlarini yanada samarali tashkil etishga xizmat qiladi. Qolaversa, sportchilarning mahoratini oshirib, zamonaviy uslublarni qo‘llash imkoniyatini beradi. Ana shundan keyin sportchilarimiz har qanday raqibini yer tishlatib, muqarra g‘alaba qozonishlari aniq.