“Loyihalar yarmarkasi” o‘tkazildi

Kambag‘allikni qisqartirish maqsadida qator chora-tadbirlar ishlab chiqilib, amaliyotga joriy qilinmoqda. Odamlar hayotda o‘z yo‘lini topsa, o‘zi va ishini rivojlantirsa, kayfiyatida, ruhiyatida ijobiy o‘zgarishlar sodir bo‘lsa, demak ko‘zlangan maqsadga yetilgan bo‘ladi. 2024-yil 16-dekabrda davlatimiz rahbari tomonidan o‘tkazilgan videoselektor yig‘ilishida mahallalarda tadbirkorlik muhitini yaxshilash, kambag‘allikni qisqartirish va tijorat banklarining rolini oshirish bo‘yicha bejizga vazifalar belgilab berilmadi. Ayni vazifalar ijrosini ta’minlash maqsadida Oltinsoy tumanida “Loyihalar yarmarkasi” tashkil etildi.
Yarmarkada “Sayxunobod”, “Uychi”, “Zarbdor” va “G‘ijduvon” tajribalari asosida ishlab chiqilgan biznes-rejalar taqdim etildi. Unda tijorat banklari va hokim yordamchilari hamda mahallalarda tadbirkorlikni boshlashni istagan fuqarolar ishtirok etdi. Yarmarka doirasida aholiga 70 dan ortiq biznes-reja taklif etildi. Tadbir davomida tadbirkorlikni rivojlantirish, bank xizmatlaridan samarali foydalanish, imtiyoz va qo‘llanilayotgan yangiliklar bo‘yicha mutaxassislar tomonidan atroflicha tushuntirishlar berildi.