Suv tejaladi

Qiziriq tumanidagi “Global Textile” klasteri bugungi kunda suv resurslaridan samarali foydalanish maqsadida ariq qazish va tozalash ishlarini jadal davom ettirmoqda. Bu ishlar nafaqat qishloq xoʻjaligi uchun muhim, balki ekologik muhitni yaxshilashga ham xizmat qiladi.
Shuningdek, yangi ariqlar qazilishi hisobiga suv tejamkorligi va barqaror sugʻorish tizimi taʼminlanadi. Eski ariqlar tozalanishi hisobiga esa suv oʻtkazuvchanligi oshirilib, dalalarga suv yetkazib berish yaxshilanadi.
Bu ishlar natijasida dehqonlar hosilni sugʻorishda muammolarga duch kelmaydi. “Global Textile” klasteri suv resurslaridan oqilona foydalanish va qishloq xoʻjaligida yuqori samaradorlikka erishish yoʻlida oʻz faoliyatini “Barqaror qishloq xoʻjaligi – farovon kelajak garovi!” shiori ostida davom ettirmoqda.