Yaxshi o‘qiganga ta’lim krediti foizsiz beriladi

Shu kunga qadar faqat qizlarga foizsiz kredit berilar edi. Prezident raisligidagi videoselektorda oliygoh, kollej va texnikum talabalarining o‘zlashtirish ko‘rsatkichi kamida 80 foiz bo‘lsa, ularga keyingi o‘quv yili uchun foizsiz ta’lim krediti berilishi haqidagi yangilik maʼlum qilindi.
Oliygoh, kollej yoki texnikumga kirishda grant uchun yetarli balni 80 foizini to‘plagan kambag‘al oila farzandlariga esa qo‘shimcha grant ajratiladi. Bundan tashqari, moliyaviy mustaqil bo‘lgan oliygohlarni har biri yiliga kamida 1 milliard so‘mlik grant e’lon qiladi. Bu grantlar hisobidan, fanlarni o‘zlashtirishidan kelib chiqib, kambag‘al oila farzandlari kontraktining 20 foizdan 80 foizgacha qismi qoplab beriladi.