“Bog‘ishamol”da mehmonxona qurilmoqda

Turizm sohasi rivoji uchun katta qadamlar tashlanmoqda. Ayniqsa, Termiz shahridagi “Bog‘ishamol” mahallasida yangi mehmonxona qurilishiga tamal toshi qo‘yilgani ayni fikrimiz isbotidir. Surxondaryo viloyati hokimi Ulug‘bek Qosimov Termiz shahrida turar joylar, savdo xizmat ko‘rsatish binolari hamda boshqa obyektlar qurilishi bilan tanishish asnosida yangi mehmonxona qurishga strat berildi.
Shundan so‘ng, viloyat rahbari Ibn Sino ko‘chasi bo‘ylab obodonlashtirish va ko‘kalamzorlashtirish hamda tashkil etilgan “yashil” maydonlar va ekilgan daraxt ko‘chatlarini parvarishlash ishlarini ko‘zdan kechirib, mas’ullarga bajarilishi lozim bo‘lgan vazifalarni belgilab berdi. O‘rganish ishlari davomida shahar hududida amalga oshirilayotgan loyihalarning borishi yuzasidan mutasaddilarning axborotlari ham tinglandi.