Aholi tashabbusi bilan…

Ayni qish kunlarida elektr energiyasida uzilish bo‘lsa yoki past kuchlanish bo‘lsa, odamlarning ahvoli qanday kechishini bir tasavvur qiling. Jarqo‘rg‘on tumanidagi “Mustaqillik” mahallasida afsuski holat shunday. Bu uyni isitishda, yoritishda va boshqa jihatlarda qiyinchilik tug‘dirishini mahallada yashovchilardan yaxshiroq biladigan topilmasa kerak. Nihoyat, mahalla aholisi o‘z tashabbusi bilan birlashib, hashar yo‘li bilan yangi elektr tarmog‘ini barpo etdi. Fuqarolar o‘z mablag‘lari hisobidan 1 dona yangi transformator, 5 dona elektr ustuni va 1000 metr sim kabel xarid qilib, o‘z kuchlari bilan o‘rnatishdi.
Ushbu sa’y-harakatlar natijasida hududdagi elektr ta’minoti sezilarli darajada yaxshilandi va aholining kundalik turmush sharoitlari ancha qulay bo‘ldi. Bu tashabbus mahalladagi jamoaviy birdamlik va hamjihatlikning yorqin namunasi bo‘ldi.