Ishtirok muvaffaqiyatga boshladi

Toshkent viloyatining Chirchiq shahrida sportning yengil atletika turi bo‘yicha O‘zbekiston chempionati o‘tkazildi. Bellashuvlar qizg‘in va murosasiz ruhda kechdi. Sportchilar bor kuch va mahoratlarini ishga solib, g‘oliblik uchun kurashdilar.
To‘g‘ri, muhimi ishtirok. Ammo vohamiz sharafini himoya qilgan Termiz davlat universitetining bir guruh talabalari faqat ishtirok bilan kifoyalanmay, g‘oliblik shohsupasidan ham joy olishga muvaffaq bo‘ldilar.
Mohinabonu Ro‘ziyeva 400 metr masofada 2-o‘rinni egallagan bo‘lsa, Islombek Oltiboyev esa 4x400m va 4x200m estafetalarida 2 ta 3-o‘rinni qo‘lga kiritdi. Ana shunday g‘oliblar orasida Soib Xolliyev hamda Asliddin Xo‘shboqov ham bo‘sh kelishmadi.