Milliylikni eslatib…

Egnida milliy libosni kiyib, sochini qirq o‘rim qilgan qiz yoningizdan o‘tdimi, darrov e’tiboringizni tortishi aniq. Ha, milliylikni sog‘inganmiz. Ayniqsa, atlas-adrasdagi kamalakrang misol tovlanuvchi ranglar uyg‘unligi kishiga bahoriy kayfiyat ulashadi. Shu sababdan ham yoshlarimiz qish kunlarida keng jamoatchilik orasida milliy liboslarda kezib, milliylikni eslatishayotgani ko‘zlarimizni quvontirayotir.
Bandixon tumanida ham milliy liboslarda zamonaviy va anʼanaviy qadriyatlar uygʻunligini oshirish maqsadida milliy liboslar namoyishi tashkil etildi. Tadbirda qizlar 2 ta shart bo‘yicha bellashib, milliy liboslarda o‘zgacha go‘zallik baxsh etdi.
G‘oliblik esa “Yosh dizayner” jamoasiga nasib etdi.