Denov tumanidagi Maktabgacha va maktab ta’limi bo‘limi hamda Surxondaryo viloyati Yoshlar ishlari agentligi Denov tumani bo‘limi hamkorlikda qishgi ta’til vaqtida o‘quvchilarning bo‘sh vaqtlarini mazmunli o‘tkazilishini ta’minlash maqsadida fan to‘garaklari faoliyati yo‘lga qo‘yilgan. Shu kunlarda ushbu to‘garaklarda o‘quvchi-yoshlar katta qiziqish bilan qatnashmoqda.
Ana shunday fan to‘garaklari tumandagi 101-umumta’lim maktabida ham o‘tkazildi. Unda o‘quvchilar o‘zlari qiziqqan fanlaridan o‘qituvchilaridan qo‘shimcha saboqlarni olmoqda. Til kurslarida til o‘rganuvchilar mavzuni katta qiziqish bilan o‘zlashtirishayotgan bo‘lishsa, rasm to‘garagida yoshlar bor mahoratlarini ishga solib, surat chizishga o‘tib ketishgan. Sport to‘garaklarida esa sport turlaridagi har bir mashg‘ulot va jarayonlar musobaqa tusini olib, sportchi yoshlar jismonan chiniqishayotir.
