Termiz davlat universitetining tashabbusi bilan kelajak talabalarini seleksiya qilish maqsadida 4-5-sinf o‘quvchilari o‘rtasida matematika fanidan olimpiada tashkil etildi. Olimpiada g‘oliblari, ya’ni 4-5-sinf o‘quvchilari o‘rtasida 1-, 2-o‘rinlarni egallagan 4 nafar o‘quvchiga, jami 76 million so‘m mablag‘ berildi.
TerDU rektori huzurida o‘quvchilar, ularning ota-onalari va ustozlari ishtirokida samimiy muloqot bo‘lib o‘tdi. Ezgu niyatlar qilinib, Prezidentimizning yoshlar kelajagiga ko‘rsatayotgan g‘amxo‘rliklari e’tirof etildi.
Endilikda o‘quvchilarimiz 15-yanvar sanasidan 24-yanvar kuniga qadar Malayziya davlatida bo‘lib, matematika fanidan xalqaro musobaqada o‘z imkoniyatlarini sinovdan o‘tkazishadi.
