Ta’til foydali o‘tmoqda

Qishki ta’til davom etmoqda. O‘quvchi-yoshlar vaqtini mazmunli tashkil etish maqsadida ijodiy, sport, fan to‘garaklariga, o‘zlari uchun qiziqarli bo‘lgan mashg‘ulotlarga qatnab, kunlarini mazmunli o‘tkazishayotir. Shu kunlarda Bandixon tumanidagi “Barkamol avlod” bolalar maktabi bolalar bilan gavjum. Har bir to‘garak xonalarida jarayonlar qizg‘in tus olgan.
Ayniqsa, “Yosh oshpaz” va “Yosh qandolatchi” to‘garaklari tomonidan qishki ta’til aksiyasi ko‘rgazmali tadbiri tashkil etildi. Ushbu tadbirda tumanning 6-12-maktablarida tahsil oluvchi o‘quvchi-qizlar tomonidan har xil turdagi salatlar hamda qandolat mahsulotlari tayyorlandi. Tadbir yakunida faol o‘quvchilar rag‘batlantirildi.