Hamkorlik amaliy bosqichda

Vohamizdagi oliygohlarning dunyoning nufuzli oliy ta’lim muassasalari bilan hamkorlik aloqalari boshlanganini, kelishuv va memorandumlar imzolangani haqidagi xabarlari keng jamoatchilik e’tiboriga havola qilamiz-u amaliy natijalar qorong‘uligicha qolib ketaveradi. So‘z isboti bilan deganlaridek, ayni damda Termiz davlat universitetining bir guruh professor-o‘qituvchilari Istanbul universitetida malaka oshirish kursini o‘tamoqdalar.
Tashrif davomida Termiz davlat universiteti hamda Istanbul universiteti o‘rtasida kafedralararo akademik mobillikni yo‘lga qo‘yish, xalqaro konferensiyalar o‘tkazish, hamkorlikda loyihalarni amalga oshirish hamda darsliklar chop etish va birgalikda ilmiy tadqiqotlar olib borish kabi masalalar yuzasidan amaliy harakatlarga kirishish belgilangan.