Tayyorgarlik qizg‘in…

Qanday ob-havo bo‘lishidan qat’i nazar odamlar kayfiyatida ko‘tarinkilik ustuvor. Sanoqli kunlardan so‘ng yangi yilning kirib kelishini o‘zgacha bir tadorilik bilan kutib olishmoqda. Ayniqsa, ko‘cha-ko‘yda bezatilgan archalar, ertak qahramonlarining suratlari, qor parchalari ko‘rgan ko‘zni quvnatib, bola yanglig‘ mo‘jizalarga ishontirayotir. Ayni holat Oltinsoy tumanida ham hukmron. Tuman ahli bayram tantanalarini nishonlashga tayyorgarlik ishlarini boshlab yuborishgan. Tumandagi “Bo‘ston” mahallasida joylashgan “Yangi O‘zbekiston madaniyat va istirohat bog‘i”da tumanning Asosiy archasi o‘rnatilgan. Archani bezash, chor atrofni bayramona holga keltirish qizg‘in tus olgan. Tuman hokimi B. Maxmatrayemov va mutasaddi tashkilotlar rahbarlari bajarilayotgan ishlar bilan tanishib, kamchiliklarni bartaraf etish, bayramni ko‘tarinki ruhda kutib olish bo‘yicha kerakli ko‘rsatma va tavsiyalarni berishdi.