Qachonlardir telefon yaratilgani, kompyuterning ixtiro qilinishi katta yangilik edi. Bugun esa shunchaki ehtiyoj sifatida qaraladigan bu vositalardan-da mukammalroq vositalarning kashf etililishi oddiy holga aylangan. Ayniqsa, sohada olim-u fozillar emas, uddaburon yoshlarning-da muvaffaqiyat qozonayotgani e’tirof etarli holat.Ha, bugun robot yaratish, og‘irimizni yengil qiladigan qurilmalarni kashf etish yangilik emas, balki qulaylikdir. Ana shunday yaratuvchanlikka qodir iqtidorli yoshlar oʻrtasida “Ixtirochilikka qadam” respublika tanlovi oʻtkazildi. Tanlovda oʻquvchilar tomonidan taʼlim, axborot texnologiyalari, yashil energiya, ekologiya, iqlim oʻzgarishi va qishloq xoʻjaligi yoʻnalishlari boʻyicha yangi mahsulot yoki xizmat turini yaratish talab etiladi.
Jarqo‘rg‘on tumanidagi 12-sonli Ayrim fanlar chuqur o‘rgatiladigan maktab internatida tanlovning tuman bosqichi jarayonlari qizgʻin tarzda o‘tkazildi. ishtirokchilar o‘zlari yaratgan loyihalar bilan ishtirok etib, g‘oliblik uchun bellashdilar. Har bir ixtiro qiziqarli va foydali bo‘lib, hakamlar hay’ati va tomoshabinlar e’tiborini tortdi.
