Albatta, yashash uchun sabablarimiz koʻp. Faqat oʻz oldimizga aniq maqsadlar qoʻyib, harakat qilmogʻimiz lozim. Termiz davlat universitetida yangi yil bayramini ko‘tarinki kayfiyatda kutib olish maqsadida, universitet psixologi va fakultet tyutorlari tashabbusi bilan “Yashash uchun 1001 sabab!” aksiyasi tashkil etildi.
Unda ramziy ma’nodagi “Hayot daraxti”ga talabalar, professor-o‘qituvchilar o‘z maqsadlari, hayotning mazmuni deb bilgan fikrlarini yozib qo‘ydilar. Bu tashabbus ortida ne’matlarni yo‘qotmasdan qadriga etish, maqsadlarni teranlashtirishdek ezgu muddao mujassam.
