Yoshlar ish izlab yoki oʻqish maqsadida xorijga ketishga qaror qiladi. Turgan gapki, ularning orasida baʼzi muammolarga uchragani, yurtga qaytish istagi bordir. Ayni jihatlarni hisobga olgan holda Termiz tumani prokuraturasi tashabbusi bilan ishlash, o‘qish, davolanish va boshqa maqsadlarda xorijga ketgan yoshlar bilan onlayn muloqot o‘tkazildi. Unda tuman Ichki ishlar bo‘limi boshlig‘i O‘.Mustafoqulov va tuman prokurorining o‘rinbosari Sh.To‘raqulov hamda mutasaddilar yoshlar bilan ochiq muloqot qilib, ularning murojaat, muammo va takliflarini tingladi.
Shuningdek, yoshlar uchun yurtimizda yaratilayotgan imkoniyatlar, munosib ish o‘rinlari va tadbirkorlikni qo‘llab-quvvatlash mexanizmlari haqida ma’lumot berildi. Yoshlar savollariga mas’ullar tomonidan batafsil javob berildi. Qabul qilingan har bir murojaatni o’rganib chiqish va hal etish yuzasidan mas’ullar belgilanib, ijroga yo’naltirildi.
Onlayn uchrashuv yoshlar bilan doimiy aloqa o‘rnatish, tashabbuslarini rag‘batlantirish va muammolarni hal etish imkoniyatini berishi qayd etildi.
