Inson qadri uchun

Shamollab qolsak, antibiotik qabul qilishni boshlaymiz. Ammo ba’zida bu bilan tezda tuzala qolmaymiz. Balki ushbu antibiotik organizmimizga ta’sir qilmayotgandir. Albatta, buni tekshirtirgan holda, shifokor tavsiya qilgan davo muolajalarini qabul qilsakkina, tuzalamiz. Shunday paytlarda o‘zimizda Sanitariya-epidemiologik osoyishtalik va jamoat salomatligi bo‘limi bo‘lmasa, shaharga borishimizga to‘g‘ri keladi.
Ortiqcha sarsongarchiliklarning oldini olish, aholiga qulaylik yaratish maqsadida Angor tumanining “Navro‘z” mahallasi hududida qurilgan Sanitariya-epidemiologik osoyishtalik va jamoat salomatligi bo‘limi binosi foydalanishga topshirildi. Tadbirda tuman hokimi Q.Mardonov, viloyat Sanitariya – epidemiologik osoyishtalik va jamoat salomatligi boshqarmasi boshlig‘i Abdusamad Mustanov hamda soha xodimlari ishtirok etdi.
Tadbirda so‘zga chiqqanlar yurtimizda tibbiyot hamda aholining sanitariya-epidemiologik osoyishtaligini ta’minlash borasida keng ko‘lamli islohotlar amalga oshirilayotganligi, bu islohotlar inson qadri uchun xizmat qilayotganligini ta’kidladi.
Endilikda yuqumli va yuqumsiz kasalliklar profilaktikasi hamda ularga qarshi emlash ishlarini olib borish, sog‘lom turmush tarzi va sog‘lom ovqatlanishni targ‘ib qilish bo‘yicha faoliyatimizni yanada samarali olib borilishiga imkoniyat yaratildi.