Final o‘yinlari yakuniga yetdi

Sport sog‘lik garovi, muvaffaqiyatlar kalitidir. Dunyo arenalarida turib, davlatimiz bayrog‘i eng yuqori pog‘onalarga ko‘tarilsa, tayyorgarliklar mashaqqati-yu, shu kunga qadar bo‘lgan qiyinchiliklarning bari unutiladi. Faqat va faqat bir haqiqatni anglaymiz, mehnatning tagi rohat bo‘lishligini.
Ana shunday maqsadni katta olgan sportchilar yurtimiz bo‘ylab bo‘lib o‘tayotgan sport musobaqalarida ishtirok etib, o‘zlarining imkoniyatlarini sinovdan o‘tkazishayotir. Har bir sinov ular uchun katta bir maktab vazifasini o‘tayotir. Qashqadaryo viloyati Qarshi davlat universiteti mezbonligida “Yoshlar forumi—2024” doirasida o‘tkazilayotgan “Besh tashabbus olimpiadasi” final o‘yinlarining stritbol turi o‘z yakuniga yetdi.
14 ta kuchli jamoa ishtirok etgan musobaqada Termiz davlat pedagogika institutining qizlar jamoasi ham munosib ishtirok etdi. Biroz omad yetishmagan vohadoshlarimiz faxrli 2-o‘rinni qo‘lga kiritishdi.