Sho‘rchi tumanining “Konabod” mahallasida tuyaqushchilik bilan shug‘ullanayotgan ishbilarmon bor. Temir to‘siq bilan o‘ralgan maydonda bahaybat tuyaqushlar boqiladi. Yosh bo‘lishiga qaramay, tuyaqush boqishni boshlagan Humoyuddin Musurmonov allaqachon tadbirkor sifatida o‘z ishining hadisini egallagan ekan. Gap-so‘zlari, ish tajribasidan bunga amin bo‘lish mumkin.
— Tuyaqushlarimiz soni 6 dona. Tuyaqush juda tez ko‘payadi va kasalliklarga chidamli, immuniteti yuqori, — deydi H.Musurmonov. — Jonivorlar ichida o‘zining to‘yganini biladigan yagona jonzot tuyaqushdir. Uning ko‘rinishi bahaybat bo‘lgani bilan kunlik ozuqasi ikki kiloga teng. Jo‘jalari 200 gramdan ozuqa yeydi.
Tuyaqush tuxumi va go‘shtining foydali jihatlari juda ko‘p. Tuxumida xolesterin umuman yo‘q. Qand kasali va qon bosimi bor bemorlar ham uning tuxumidan bemalol iste’mol qilishlari mumkin.
Rejani katta olgan Humoyuddin tuyaqushchilikni davom ettirib, mo‘may daromad olishni ko‘zlagan.
Xarajati kam, daromadi mo‘l
Date:
