Qohira universiteti kutubxonasida o‘zbek tili va adabiyoti burchagi tashkil etiladi

Yurtimizda xorijiy tillarni o‘rganishga keng yo‘l ochilgan. Hattoki, o‘sha tilning egalaridan tilni o‘rganish, o‘sha tildagi adabiyotlarni o‘qish, filmlarni tomosha qilish amaliyoti yaxshi samara berayotir. Ho‘sh, boshqa davlatlarda ham yoshlar o‘zbek tilini o‘rganadi? Bizning tilimizni o‘rganishga qiziqish bormi? Qohira universitetida o‘zbek tilini o‘rganayotgan misrlik talabalarni qo‘llab-quvvatlashga alohida e’tibor qaratilishi esa ushbu savollarimizga munosib javob bo‘ladi deyish mumkin.
Qohira universiteti kutubxonasida o‘zbek tili va adabiyoti burchagini tashkil etilib, shuningdek, o‘zbek va arab tili o‘qituvchilari hamda o‘zaro talabalar almashish, O‘zbekistonda Qohira universiteti filialini tashkil etish, hamkorlikda darsliklar tayyorlash imkoniyatlari yaratilayotgani bu boradagi muhim qadam deyish mumkin.