Mavsum davom etmoqda

Go‘zallik, yaratuvchanlik va kelgusi avlodga g‘amxo‘rlik ajdodlarimizdan bizga meros. An’analarning davomi esa borliqni asrash, ekologik muammolarni bartaraf etishda faollikni talab etadi. Ota-bobolarimiz bir daraxt kessang, o‘nni ek deb bekorga aytmagan. Yurtboshimiz tashabbusi bilan boshlangan “Yashil makon” umummilliy loyihasi esa chinakam yaratuvchanlik, ekologiyaga, qolaversa kelajak avlodga g‘amxo‘rlik qilish namunasi hisoblanadi.
Shu munosabat bilan bugun Uzun tumani “Chinor” MFY hududidan oqib o‘tuvchi qoratog‘ daryosi muhofaza mintaqasidagi dala maydonida Yashil makon” loyihasining kuz mavsumiga joy tayyorlanib, tumandagi barcha tashkilot va korxonalar tomonidan 5 mingdan ortiq terak ko‘chatlari va 50 mingga yaqin terak va tol qalamchalari plantatsiya shaklida yerga qadaldi.
Ekilgan ushbu ko‘chat va qalamchalarni nazorat qilish va sug‘orish Bobotog‘ o‘rmon xo‘jaligining qoratog‘ o‘rmon bo‘limi ikkinchi aylanma o‘rmonchisiga biriktirib berildi.