DEPUTAT VA YOSHLAR UCHRASHDI

Yaqindagina deputatlik saylovi bo‘lib o‘tdi. Barcha o‘zi munosib deb bilgan nomzodga ovoz berdi. Bunda kimnidir omadi kelmagan bo‘lsa, kimdir deputat bo‘lib saylandi. Endigi vazifa esa xalqning ishonchini oqlashdir. Ayni vazifasini tushungan deputatlar saylangan kunidanoq amaliy sa’y-harakatlarni boshlab yubordi. O‘z oldiga qo‘ygan maqsad va vazifalarni ro‘yobga chiqarish ishlari boshlab yuborildi.
DTPI faollar zalida xalq deputatlari Denov tuman Kengashiga yangi saylangan deputatlar talaba-yoshlar bilan uchrashdi. Mazkur uchrashuvda deputatlardan R.Mamatmurodov, B.Xidirov, M.Fayziyev hamda N.Xudoynazarovlar ishtirok etishdi. Kelgusidagi vazifalar, amalga oshirilishi lozim bo‘lgan ishlar haqida so‘z ochildi.
Talabalar-yoshlar o‘zlarini qiziqtirgan savollar va mahallalardagi ijtimoiy muammolar bilan deputatlarga murojaat qilishdi.