G‘olib xorijga sayohat qiladi

Jadidlar izidan ketyapmizmi, munosib avlod bo‘lyapmizmi? “Jadidlar izidan” respublika tanlovining Surxondaryo viloyati bosqichida ishtirok etgan yoshlarni kuzatib turib ushbu savollarga javob toppish mumkin bo‘ldi. Aytish kerakki, jarayon qizg‘in kechdi. Unda tuman, shahar bosqichlarida g‘oliblikni qo‘lga kiritgan 2 ta yosh toifasida jami 30 nafar o‘quvchi ishtirok etdi.Ishtirokchilar 3 ta shart bo‘yicha o‘zaro bellashishdi. Har bir shart orqali yoshlarning bilimlari, faolliklari, ijodiy fikrlash qobiliyatlari sinovdan o‘tdi. Yakuniy natijalarga ko‘ra 6-7-8-sinflar o‘rtasida Qiziriq tumanidagi 9-maktabning 8-sinf o‘quvchisi Muborak Boboqulova,  9-10-sinflar o‘rtasida kechgan bellashuvlarda Qiziriq tumanidagi 9-maktabning 9-sinf o‘quvchisi Sevara Usmonovalar birinchi o‘rinni egalladilar. Shuningdek, g‘olib va sovrindorlar diplom, kitoblar to‘plami hamda pul mukofoti bilan taqdirlanishdi.Ma’lumot uchun, tanlovning respublika bosqichida eng yuqori ball to‘plagan 14 nafar ishtirokchi xorijiy davlatga ta’lim sayohatini qo‘lga kiritadi.