Bahslar yakuniga yetdi

Sirdaryo viloyatining Guliston shahrida 14-15 yoshli oʻsmirlar oʻrtasida Oʻzbekiston kubogi bahslari bo‘lib o‘tdi. Murosasiz davom etgan musobaqadaning final bahslarini Oʻzbekiston boks federasiyasi Bosh kotibi Shohid Tillaboev, milliy terma jamoamiz bosh murabbiyi Toʻlqin Qilichev va bokschilarning yaqinlari kuzatib bordilar. Musobaqa soʻnggida, g‘oliblar shohsupaning yuqori pogʻonalaridan oʻrin oldilar va munosib taqdirlandilar. G‘oliblar safida Surxon o‘g‘lonlari ham bor. Termiz shahar yakka kurash sport turlariga ISM tarbiyalanuvchilaridan Xusan Bo‘riyev 2-, Shoxjaxon Bahtiyorov hamda Termiz olimpiya va paralimpiya sport turlariga tayyorlash markazi tarbiyalanuvchisi Xurshid Rustamov 3-o‘rinlarni qo‘lga kiritdi.