Sana munosabati bilan…

Albatta, muhim sana oldidan turli tadbirlar, uchrashuvlar, sport musobaqalari o‘tkazib kelinadi. Ayniqsa, sport musobaqalari sport sohasida ishlamaydiganlarning kayfiyatini ko‘tarib, tanlarini chiniqtirishga xizmat qiladi. Shuningdek, doimiy ravishda jismoniy tarbiyani kanda qilmaslik kerakligini eslatadi.
Jarqo‘rg‘on tuman sport maktabida tuman Ichki ishlar bo‘limi tomonidan 11-noyabr – O‘zbekiston kasaba uyushmalari kuni bayrami munosabati bilan “Men kasaba uyushmasi a’zosiman” shiori ostida Ichki ishlar bo‘limi xodimlari hamda faxriylari o‘rtasida sportning shaxmat va shashka turlari bo‘yicha musobaqa o‘tkazildi. Musobaqa qizg‘in tus oldi. Har bir yurishni kuzatib borish maroqli kechdi.
Musobaqa g‘olib va sovrindorlariga tuman Ichki ishlar bo‘limining diplom va esdalik sovg‘alari topshirildi.