Tomorqa — daromad manbai

Shukrki, yilning to‘rt faslida ham yerdan unumli foydalanib, ekin ekishimiz, hosil olishimiz mumkin. Bu bilan nafaqat ro‘zg‘orimizni butlaymiz, balki qo‘shimcha daromad ham olamiz. Angor tumanining “Yuqori Tallimaron” mahallasida yashovchi O‘tayevlar oilasining asosiy daromadini dehqonchilik ortidan topadi. Tomorqasi 15 sotixdan iborat bo‘lib, hozirda karamning Pekin navi ekilgan.
Yillik daromadi o‘rtacha 50-60 million so‘mni tashkil qiladigan ushbu oilaning daromadidan mamnun. Bir yilda 3 marotaba hosil olib, oilaviy ish bilan band. Darhaqiqat, mehnat qilgan kam bo‘lmaydi. Tumanda tomorqasidan mo‘maygina daromad olayotgan tadbirkor oilalalar soni kun sayin ko‘paymoqda.