“Counter Strike 2” yo‘nalishida…

Farzandlarimizning kompyuter o‘yinlariga mukkasidan ketmasliklari, virtual olamga bog‘lanib qolmaliklari uchun qo‘ldan kelgancha harakat qilamiz. Nima bo‘lganda ham me’yorni unutmaslik va kompyuterdan foydalanish madaniyatini o‘rgatishga urinamiz. Holbuki, elektron kompyuter o‘yinlari ham sport turiga kiritilgan bo‘lib, ushbu sport turini ommalashtirish maqsadida tez-tez musobaqalar tashkil etilib turilmoqda.
Termiz shahrida ham sportning elektron kompyuter turi bo‘yicha “O‘zbekiston Respublikasi Vazirlar Mahkamasi kubogi” uchun “Counter Strike 2” yo‘nalishi bo‘yicha viloyat chempionati musobaqasi bo‘lib o‘tdi. Ushbu musobaqada Jarqo‘rg‘on tuman jamoasi faxrli 1-o‘rinni qo‘lga kiritib, respublikasi bosqichiga yo‘llanmani qo‘lga kiritdi.