“Yosh tadbirkor”lar saralandi

Yoshlar o‘rtasida tadbirkorlikni keng ommalashtirish, biznes bilan shug‘ullanish uchun mavjud imkoniyatlarni targ‘ib qilish maqsadida Yoshlar ishlari agentligi, Yoshlar kelajagimiz jamg‘armasi, Savdo-sanoat palatasi, va bir qator hamkor tashkilotlar hamkorligida tashkil etilgan “Yosh tadbirkor” ko‘rik-tanlovining viloyat bosqichi bo‘lib o‘tdi.
Hududiy bosqichlarda 218 dan ortiq yangi biznes g‘oyalarga ega talabgorlarning 60+ ball olganlarigina tanlovning viloyat bosqichiga ishtirok etdi. Aytish kerakki, har bir loyiha va g‘oya e’tibor berishga arziydi. Uzoqni o‘ylab, har tomonlama o‘ylanib ishlab chiqilgan rejalar kun kelib, albatta, yoshlarning o‘z yo‘llarini topishiga, muvaffaqiyat kaliti bo‘lib xizmat qilishiga shubha yo‘q.
Termiz shahrilik Sayyora Boltayeva hamda muzrabotlik Abdumurod Abduzoirovlar g‘olib deb topildi va tanlovning respublika bosqichiga ishtirok etish uchun yo‘llanmani qo‘lga kiritdilar.