O‘qituvchilar malakasi oshiriladi

Tilni o‘z egalaridan o‘rganish yaxshi natija beradi. Ayni jihatlarni inobatga olgan holda ta’lim tizimida xorijdan til mutaxassislari jalb etilib, maktablarda ingliz tili darslarini o‘ta boshlashgan edi. Amaliyot ijobiy natija berdi, shu sabab viloyat Maktabgacha va maktab ta’limi boshqarmasi tomonidan joriy yilning noyabr-mart oylari davomida viloyatning shahar va tumanlarida xorijiy tillar bo‘yicha o‘qituvchilarga amaliy-uslubiy yordam ko‘rsatish, ularning bilim va ko‘nikmalarini oshirish yuzasidan seminar-treninglar o‘tkazilishi va ushbu seminarlarga trener sifatida viloyatimizdagi maktablarda faoliyat olib borayotgan “til egalari” — xorijiy mutaxassislar jalb etilishi rejalashtirilgan.
Surxondaryo viloyati Maktabgacha va maktab ta’limi boshqarmasi vakillari ushbu xorijiy mutaxassislar bilan uchrashdi va seminarlarni tashkil etish yuzasidan qator masalalar muhokama qilindi. Xususan, tashkiliy masalalar, seminarning asosiy maqsadi hamda kutilayotgan natija haqida o‘zaro fikr almashildi va kelgusidagi istiqbolli vazifalar belgilandi.