Qozog‘istondan xushxabar…

Yuragida o‘ti bor yigitlarimiz, albatta, o‘zlarini sportga ursalar, kuchlarini to‘g‘ri yo‘naltirgan bo‘ladilar. Kuchlari, qonlaridagi qiziqqonlikni mashg‘ulotlarda toblab, jang maydonlarida o‘zlarini ko‘rsatadilar, madri maydon bo‘lib, nom qozonadilar. Qozog‘iston Respublikasi Turkiston shahrida bo‘lib o‘tgan 2008-2009-yillarda tug‘ilgan yoshlar o‘rtasida professional boks bo‘yicha xalqaro turnirda ham ana shunday kuchli va mahoratli sportchilar ishtirok etdi.
Albatta, kurosasiz kechgan janglarda o‘z yurtining kuchli bokschilari o‘zaro kuch sinashib, g‘oliblik uchun bo‘sh kelishmadi. Zo‘rlar ichra zo‘r chiqqan surxondaryolik sportchi, Jarqo‘rg‘on o‘g‘loni Asilbek Abdusamadov g‘oliblar qatorida bo‘ldi. Sportchi 75 kilogramm vazn toifasida faxrli 1-o‘rinni qo‘lga kiritdi.