Muhim siyosiy jarayon oldida turibmiz. Xalq deputatlari viloyat Kengashiga munosib deputatlarni saylashimiz talab etiladi. Nomzodlar orasidan munosibini tanlashimiz uchun ular targ‘ibot-tashviqot ishlarini olib borishayotir. Xo‘sh, yoshlarning saylov qonunchiligi, saylash va saylanish tartibi haqida ma’lumotga egami? Oliy Majlis Qonunchilik palatasi va mahalliy Kengashlar deputatlari saylovlarida yoshlarning faolligini oshirishga qaratilgan “Saylov va yoshlar” mavzusidagi respublika o‘quv-seminari bo‘lib o‘tdi.
Yoshlar oromgohida tashkil etilgan seminarda Yoshlar ishlari agentligining hududiy boshqarma boshlig‘i o‘rinbosarlari va mahalliy bo‘lim rahbarlari ishtirok etishdi. Uch kunlik o‘quvda Markaziy saylov komissiyasi a’zolari, Adliya vazirligi xodimlari va Toshkent davlat yuridik universiteti professorlari ishtirokchilarga saylov qonunchiligi, siyosiy partiyalar bilan hamkorlik va xalqaro kuzatuvchilar bilan ishlash bo‘yicha bilim hamda ko‘nikmalar berildi.
