Mehnat ta’tiliga qismlarga bo‘lib chiqish mumkinmi?

Faoliyatimiz davomida yilda bir marta mehnat ta’tiliga chiqamiz. Ammo rejalarimiz sabab asosiy va qo‘shimcha yillik mehnat ta’tillarini bir haftadan bir necha qismlarga bo‘lib olishni istab qolamiz. Ammo, ish beruvchi xodimga ushbu ta’tillarni qismlarga bo‘lib berishi mumkinmi, degan savol tug‘iladi.
Mehnat kodeksining 231-moddasiga ko‘ra xodim va ish beruvchi o‘rtasidagi kelishuvga ko‘ra har yilgi mehnat ta’tili qismlarga bo‘linishi mumkin. Bunda ushbu ta’tilning hech bo‘lmaganda bir qismi o‘n to‘rt kalendar kunidan kam bo‘lmasligi kerak.
Shu sababli ish beruvchi xodimga asosiy va qo‘shimcha ta’tillarni qismlarga bo‘lib berishga majbur emas, chunki Mehnat kodeksining 231-moddasida mehnat ta’tili kelishuvga ko‘ra qismlarga bo‘lish mumkinligi belgilangan, ya’ni bu ish beruvchining huquqi hisoblanadi, majburiyati emas.
Agar ish beruvchi xodimga har yilgi ta’tilini qismlarga bo‘lib berishga rozi bo‘lsa, mehnat ta’tili qismlarining hech bo‘lmaganda bir qismi, ya’ni qaysi qismi bo‘lishidan qat’iy nazar (birinchi, ikkinchi yoki uchinchi qismi) o‘n to‘rt kalendar kundan kam bo‘lmasligi kerak.