Oltinsoylik yoshlar peshqadam

Termiz shahrida “Besh tashabbus olimpiadasi” doirasida sportning gimnastrada turi bo‘yicha viloyat bosqichi musobaqasi bo‘lib o‘tdi. Bellashuvda vohaning shahar va tumanlarida g‘oliblikni qo‘lga kiritgan jamoalar yana bir bor g‘oliblik uchun o‘zlarining mahoratlarini namoyish etishdi.
Qiziqarli kechgan musobaqa yakunida birinchi o‘rinni Oltinsoy tumani jamoasi qo‘lga kiritgan bo‘lsa, ikkinchi o‘rinni Qumqo‘rg‘on tumani vakillari egallashdi. Sariosiyo tumani qizlari uchinchi o‘ringa sazovor bo‘ldilar. Va g‘oliblarga bellashuv diplomi hamda esdalik sovg‘alar topshirildi.