31 xonadon elektr energiyasi bilan ta’minlandi

Elektr energiyasida me’yor o‘rnatilgani, belgilangan me’yordan o‘tgach, narxlar oshirilgan qiymatda hisoblanishi ko‘pchilikni sergaklantirib qo‘ydi. Ortiqcha chiroqlarni o‘chirib, keraksiz energiyani sarflamasdan tejamkorlikka o‘rgata boshladi. Kim ham cho‘ntagiga zarar qilishni istardi. Qolaversa, elektr energiyasida yanada tejamkorlikka erishish maqsadida aholi o‘z xonadonlarida quyosh panellarini ham o‘rnatishayotir.
Sariosiyo tumanidagi Turmushobod mahallasining tog‘li Kundai juvoz qishlog‘ida (30 kVt ) tarmoqli quyosh elektr stansiyasi foydalanishga topshirildi. Ushbu o‘rnatilgan quyosh elektr stansiyasi natijasida qishloqdagi 31 ta xonadon hamda mahalla hududida joylashgan umumta’lim maktabi to‘liq elektr energiyasi bilan ta’minlandi.
Ushbu quyosh elektr stansiyasi turli ijtimoiy obyektlari, kichik biznes va sanoat majmualarida foydalanish uchun mo‘ljallangan. Tarmoqqa o‘rnatilgan quyosh elektr stansiyasi (30 kVt) ishonchli va ekologik toza energiya ta’minotini ta’minlaydi, energiya xarajatlarini kamaytiradi va iqtisodiyotning barqaror rivojlanishiga hissa qo‘shadi.