Farmon ijrosi o‘rganildi

Mamlakatimizda aholi bandligini ta’minlash orqali kambagallikni qisqartirish, ularning turmush tarzini yaxshilash hamda har tomonlama qo‘llab-quvvatlash maqsadida tizimli ishlar amalga oshirilmoqda. Xususan, Davlatimiz rahbarining 11.09.2024-yildagi “Kambag‘allikni qisqartirish va aholini ijtimoiy himoya qilish sohasidagi qonunchilikka rioya etilishi va uning ijrosi ustidan nazoratni kuchaytirish chora-tadbirlari to‘g‘risida”gi 136-son Farmoni ijrosi yuzasidan Denov tumanida amaliy ishlar va o‘rganishlar olib borildi.
Jumladan, Surxondaryo viloyati prokurori S.Turdiyev tomonidan mas’ul idora va tashkilotlar xodimlari ishtirokida tumandagi biriktirilgan xonadonlarda yashovchi fuqarolarning yashash sharoitlari va bandligi o‘rganildi. O‘rganishlar davomida ushbu oila a’zolarining bandligini ta’minlash orqali daromadini oshirish, moliyaviy resurslarni kambag‘al oilalarga yo‘naltirish imkoniyatlari joyida ko‘rib chiqildi.
Shuningdek, ularning ijtimoiy muammolari, kelajakdagi rejalari yuzasidan suhbatlashildi.
D.Qo‘zimurotova