Iste’molga yaroqsiz yog‘ mahsuloti fosh etildi

Tanimiz sog‘-salomat bo‘lishi uchun, uzoq umr ko‘rish uchun, albatta, sog‘lom turmush tarziga amal qilamiz. Foydali va vitamizlarga boy bo‘lgan mahsulotlar iste’mol qilishga harakat qilamiz. Ammo iste’molimizdagi barcha mahsulotlar ham sifatlimikan? Afsuski, Bosh prokuratura huzuridagi Departamentning Denov tumani bo‘limi tomonidan o‘tkazilgan tezkor tadbirda fuqaro M.D. yashash xonadonining yordamchi xo‘jaligida yashirin ravishda qo‘lbola yog‘ ishlab chiqarib kelayotganidan bilish mumkinki, bu savolga to‘laqonli “ha” deb javob bera olmaymiz.Ayni noqonuniy faoliyat bilan shug‘ullanib kelayotgan “tadbirkor” sexidan 1 020 kilogramm texnik chigit, 448 litr qora rangli yog‘ga o‘xshash suyuqlik, 1 dona juvoz uskunasi va boshqa ishlab chiqarishda foydalanilgan buyumlari ashyoviy dalil sifatida olingan. Holat yuzasidan Jinoyat kodeksining 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.