Boshqarma boshlig‘i Novosibirsk ta’lim vaziri bilan uchrashdi

Ayni kunlarda Rossiya Federatsiyasining Novosibirsk delegatsiyasi amaliy tashrif bilan Surxondaryo viloyatida bo‘lib turibdi. Tashrif doirasida Surxondaryo viloyati Maktabgacha va maktab ta’limi boshqarmasi boshlig‘i Xusniddin Mamadiyev Novosibirsk ta’lim vaziri Mariya Jafyarova bilan uchrashdi.Unda ikki davlat ta’lim tizimidagi islohotlar borasida so‘z olib borildi. Xususan, Surxondaryoda oxirgi yillarda maktabgacha va maktab ta’limi tizimida erishilgan ijobiy natijalar xususida delegatsiya vakillariga ma’lumot berildi. Novosibirsk mas’ullari taklifiga ko‘ra, rossiyalik malakali mutaxassislarni jalb qilish orqali surxondaryolik pedagoglarning malakasini oshirish bo‘yicha ishlar tashkil qilish haqida aytib o‘tildi. Ushbu taklif yuzasidan boshqarma boshlig‘i tegishli tartibda Maktabgacha va maktab ta’limi vazirligi bilan kelishilgan holda rejalar taqdim etilishini bildirdi.