Subsidiyaga ariza berish 23-sentyabrdan boshlanadi

Uy-joyga muhtoj yoshlar borki, uy olishni maqsad qiladi. Uy olish esa oson emas. Subsidiya berilishi esa uy xarid qilmoqchilar uchun katta yengillikdir. Ya’ni kredit to‘lasangiz, boshlang‘ich to‘lovlariga-da davlat sizga to‘lashga yordamlashadi.Prezidentimizning “2024-yilda ipoteka kreditlarini ajratish mexanizmlarini takomillashtirish va aholining uy-joy sharoitlarini yaxshilashga oid qo‘shimcha chora-tadbirlar to‘g‘risida”gi farmoniga ko‘ra, uy-joy uchun subsidiyalarga arizalar berish 23-sentyabr soat 09:00 da boshlanadi. Shuningdek, ijtimoiy mezonlarga muvofiq, subsidiya olish uchun fuqarolarga yanada kengroq imkoniyat yaratish maqsadida ularning daromadlarini inobatga olish tartibiga qo‘shimcha va o‘zgartirishlar kiritildi. Endilikda ariza beruvchining xohishiga ko‘ra, uning daromadlari hisob-kitobiga yaqin qarindoshlarining ham daromadlarini kiritishi mumkin bo‘ladi. Arizalar Davlat xizmatlari markazlariga bevosita borgan holda yoki my.gov.uz Yagona interaktiv davlat xizmatlari portali orqali mustaqil ravishda ariza topshirish mumkin.