“Bobotog‘ yoshlari festivali” o‘tkazildi

Yoshlarning har daqiqasi foydali va munosib o‘tishi kerak. Oltinga teng vaqtni to‘g‘ri sarflasakkina, kelajak avlod taqdiri uchun muhim qadam tashlagan bo‘lamiz. Ko‘ngil yozadigan, madaniy xordiq chiqaradigan onda ham vaqt behuda ketmasligi lozim. Shu maqsadda yoshlar o‘rtasida vatanparvarlikni targ‘ib qilish, ularning bo‘sh vaqtlarini mazmunli o‘tkazish hamda madaniy xordiq olishlarini tashkil etish maqsadida Uzun tumanida “Yangi O‘zbekiston yoshlari birlashaylik!” shiori ostida “Bobotog‘ yoshlari festivali” tashkil etildi.
Festival doirasida yoshlar o‘rtasida turli sport va milliy o‘yinlar musobaqalari, madaniy-ma’naviy tadbirlar o‘tkazildi, shuningdek, estradamiz yulduzlari hamda vohamizning taniqli san’atkorlari ishtirokida galakonsert dasturi namoyish etildi. Xususan, estrada xonandasi Sevinch Ismoilovaning chiqishlari bobotog‘lik yoshlarga bayramona kayfiyat ulashdi. Galakonsert dasturida festival doirasida o‘tkazilgan sport musobaqalari, tanlov va o‘yinlar g‘oliblariga sovg‘alar tantanali topshirishdi.