Kambag‘allikni qisqartirish umummilliy harakatga aylandi

Kambag‘allik ishsizlik, bekorchilikdan, birinchi qadamni tashlashga cho‘chishdan kelib chiqadi. Mana shunday hollarda birgina turtki va qo‘llab-quvvatlov sabab oila oyoqqa turadi. Yurtimizda oilalarni kambag‘allikdan chiqarish maqsadida ana shunday turtki berilmoqda.
Viloyat hokimi Jarqo‘rg‘on tumanidagi “Qorayontoq” mahallasida berilgan topshiriqlar ijrosi hamda kambag‘allikni qisqartirish maqsadida hududda tanlab olingan 25 ta og‘ir turmush sharoitidagi oilalarga biriktirilgan mutasaddilar tomonidan amalga oshirilayotgan ishlarni ko‘zdan kechirdi.
Xususan, yangi uy-joylar qurish va mavjudlarini ta’mirlash borasida amalga oshirilayotgan ishlar bilan tanishilib, kambag‘al oilalarning birini iqtisodiy imkoniyatlarini yaxshilash maqsadida motoroller va tikuvchilik dastgohi topshirildi.
Prezidentimiz huzurida kuni-kecha o‘tkazilgan videoselektor yig‘ilishida berilgan topshiriqlarga asosan kambag‘allikni qisqartirish umummilliy harakatga aylangani ta’kidlanib, mas’ullarga viloyat bo‘yicha biriktirilgan har bir oilani kambag‘allikdan chiqarish bo‘yicha zarur choralarni ko‘rish topshirildi.