Afg‘on ayollari O‘zbekistonda o‘qitiladi

Date:

Dunyoda gender tenglik haqida bong urmoqdamiz. Gap ta’lim olish haqida ketganda nega endi ayollar, xotin-qizlar xat-savod chiqarmasligi, o‘z qiziqishlaridan kelib chiqib, ma’lum mutaxassislik bo‘yicha o‘qimasliklari, bu haqida o‘z fikrlarini ochiq-oydin ayta olmasliklari kerak. Bu jaholat, ma’naviyatsizlik emasmi? Afg‘on ayollari ham ayni huquqlaridan foydalangan holda O‘zbekistondagi tibbiyot oliygohlarida o‘qitilishi mumkin.
Doha shahrida O‘zbekiston Oliy ta’lim, fan va innovatsiyalar vazirligi va Qatarning «Ta’lim har narsadan ustun» («Education Above All») fondi o‘rtasida bo‘lib o‘tgan uchrashuvda afg‘on ayollarini O‘zbekistonda tibbiyot sohasida o‘qitishni tashkil etishni nazarda tutuvchi memorandum imzolangan.
Qayd etilishicha, mazkur kelishuv doirasida 160 nafar afg‘on ayolini O‘zbekiston oliy ta’lim muassasalarida tibbiyot yo‘nalishlari bo‘yicha o‘qitish rejalashtirilmoqda. «O‘quv dasturlari O‘zbekistondagi tajribali tibbiyot mutaxassislari tomonidan olib borilib, ayollarning kasbiy ko‘nikmalarini oshirishga xizmat qilish bilan birga ularning o‘z vatanidagi tibbiyot sohasiga qo‘shayotgan hissasini kuchaytirishga ham katta ta’sir ko‘rsatadi», – deyiladi xabarda.
Loyihaga doir xarajatlarning katta qismini, jumladan, afg‘on ayollarini o‘qitish, turar joy bilan ta’minlash va boshqa zarur xarajatlar uchun 2,2 million dollar miqdoridagi moliyaviy yordamni Qatar tomoni o‘z zimmasiga olgan.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

EKOLOGIK BILIM VA TASHABBUSLAR BELLASHUVI

Yosh avlodda ekologik madaniyatni yuksaltirish, tabiatga mas’uliyatli munosabatni shakllantirish...

Polvonlik shaʼni va mardlik sharafi ulugʻlanmoqda

Surxon vohasida azaldan mardlik, jasorat va polvonlik qadrlangan. Bugun...

Vazn toifasida tengsiz

Yoshlarning sport maydonlarida erishayotgan yutuqlari nafaqat ularning shaxsiy muvaffaqiyati,...

KITOBXON YOSHLAR SAFI KENGAYMOQDA

Oltinsoy tumanidagi 64-sonli umumiy o‘rta ta’lim maktabida o‘quvchilar o‘rtasida...
KunTun
KunTun